Katrina & Alan

兩位大人的相片

katrina_alan — Wed, 07 Nov 2007 02:25:31 +0800

好耐無放過兩位貓大人o既相上o黎喇...
其實我一直都有keep住幫佢o地影相...
只不過fotop個相簿已經爆o左..放唔到新相....我又懶得申請多個相簿...哈哈!~

阿Bee王子o既近照

肥婆婆公主o既近照

好難先影到o既兩位大人合照

唔認得??

katrina_alan — Thu, 01 Nov 2007 01:45:36 +0800

前幾日悶悶o地...諗住幫肥婆婆著衫仔影相...
點知....肥婆婆著完件衫之後...阿bee竟然唔認得佢...
我初初都唔知..因為我幫肥婆婆著完衫之後就去o左廁所..
出到o黎.....咦???點解阿bee條尾又粗又短o既??發生咩事呢??
之後企o係喥睇o左陣....原來阿bee係因為肥婆婆而咁樣o既...
肥婆婆行埋阿bee身...之後阿bee就好驚咁叫.....
我一見到咁就即刻幫肥婆婆除o左件衫仔...之後阿bee又無事...
哈哈...好搞笑...阿bee而家日日都走去聞o下件衫...
其實件衫買o左好耐..果陣諗住買俾阿bee著o架..點知佢一下子肥o左勁多..著唔落...
哈哈...

so far佢兩個而家都ok呀....都仲會打交o架...
不過只會係阿bee想訓覺而肥婆婆煩住佢果陣先會咁...

就快要搬屋喇...我諗緊點搬佢兩位大人過去朗屏呀...!!!~
我會搞好哂成間屋,最後先帶佢兩個過去...
但係呢....肥婆婆叫得咁勁....我驚到時保安會話我....
我想將兩位大人一齊放入同一個籠喥拎過去呀..因為坐的士只係幾分鐘o既事...
因為有一次帶阿bee去睇醫生...返到屋企阿bee唔認得肥婆婆..之後就勁打佢...
所以我驚如果分開兩個籠或者貓袋帶過去..阿bee又會再次唔認得肥婆婆呀...
咁辛苦先令佢兩個相處得好o左...我唔想因為搬屋搞到佢o地要重新相處過呀...
點算好呢???????????
如果放埋一齊拎過去...阿bee會唔會同佢打交呢???
如果阿bee又好似平時咁驚到縮埋一舊...我又驚肥婆婆係咁亂抓亂叫果陣整到阿bee...
真係十萬個煩.......

失而復得

katrina_alan — Tue, 16 Oct 2007 15:56:49 +0800

肥婆婆最愛o既「廁紙人」公仔唔見o左幾日...
呢幾日佢一直都悶悶不樂...
於是前兩日買o左兩個玩具俾佢..一個係「龍蝦仔」,一個係「金魚仔」...
但係肥婆婆都係唔鍾意..因為size唔o岩....
之後我買o左材料返o黎諗住整過隻俾佢啦...
點知...今朝一早...肥婆婆唔知o係邊喥搵返個公仔....勁呀!!~
之後佢就開心返哂.....hehe!!!~
不過我都會整定一個公仔做後備.....
唔到到時又唔見o左隻公仔...唔知點哄返佢開心...

而家我一邊打日記..肥婆婆一邊訓o係mon前面望住我...hehe!~
肥婆婆而家真係好乖好可愛....^_*

溫暖

katrina_alan — Sun, 14 Oct 2007 01:31:30 +0800

而家肥婆婆比阿Bee仲要嗲.....
肥婆婆而家每晚都一定要同我訓...我去邊佢跟到去邊...

我沖涼果陣唔可以關門...因為佢兩個一定會跟埋入o黎...
通常肥婆婆會坐o係浴缸邊...而阿bee就坐o係浴缸個「博」位喥...
間唔中沖涼果陣會唔小心有d水整o左落阿bee身上...但係每次佢都唔會走..哈哈...!~

而家天氣涼o左....我間房o既溫度係比外面涼少少...
所以好多時阿bee會訓o係被入面..(好似人咁)....而肥婆婆就訓o係被面...
每日我都哄完佢o地訓.....然後先訓.......好享受呢種生活...
不過最煩o既係....阿bee o係被入面+肥婆婆o係被出面...
我唔可以整到d被....如果唔係兩隻都會走o左去....
每次「卷」入被入面訓....而又唔可以掂到佢o地...係最困難o既事..hehe!~

下個月要搬去朗屏果邊lu...到時我會整好哂所有o野..最後先帶佢兩個過去...
因為我唔想帶o左佢o地過去....仲有o野整....咁樣會嚇親佢o地...
再加上果邊無間房...到時如果有人o係喥鑽o野...我都唔知放佢兩個o係邊...

我連d窗都會整過哂...因為我想將成間屋o既危險減到最低...
連門同窗都整埋....到時唔使驚會有咩意外發生lu....
我連d插頭位都整埋....全部會換做要按掣先出電果種....
咁樣就算佢o地搞插蘇都唔怕會漏電o丫嘛!~

我仲拎o左幾條大毛巾...放o係佢o地訓覺o既地方....
而家整到有哂佢o地d毛同味....到時拎埋去朗屏果邊..等佢o地有安全感....
希望到時佢o地會快d適應啦....同埋會知道果喥係新o既屋企啦....

因為果邊係全屋裝修...所以好多o野我都係為o左兩位大人而整o既....
到時我諗兩位大人都會住得開心好多..hehe!!!!~
我到時仲會釘d隔板...等佢o地可以o係屋企跳o黎跳去...hehe!!~^_*

雖然果喥唔會住好耐....不過我想兩位大人住得開心都舒服.....
所以用多少少錢都無所謂啦.....呵呵!~^_*

閉門失竊??

katrina_alan — Sun, 14 Oct 2007 01:23:00 +0800

肥婆婆最愛o既「廁紙人」玩具竟然唔見o左...
我搵哂全屋所有地方...連櫃底、雪櫃底都搵過哂..仍然係搵唔到...
呢兩日...肥婆婆因為唔見o左心愛o既玩具而變得無哂心機....
之後我用另一個玩具哄佢開心....但係佢理都唔理我...

天呀....個玩具究竟去o左邊呢????
我諗o左兩日....最後一次見個玩具...就係o係房門口...
果陣我玩緊電腦...之後我仲聽到肥婆婆玩玩具玩得好開心...
(因為個玩具入面有個噹噹,所以我聽得好清楚)
之後我玩完電腦....肥婆婆走o黎扭計...我就諗住搵返個玩具出o黎同佢玩啦...
因為平時肥婆婆成日收埋個玩具....要我去搵返出o黎...所以習以為常...
點知....搵o左兩日都搵唔到.......點算呢??

我去過好多地方搵...都係搵唔到類似「廁紙人」咁o既公仔...
因為「廁矓人」係布質o既公仔,入面有個噹噹,又有一d布條...
條布條剛好俾肥婆婆用o黎用口「擔」住...
而公仔o既size又o岩o岩好夠俾肥婆婆用口「擔」..
要搵一個入面有噹噹,而個size又o岩o既公仔...好難好難....
我打算如果再搵唔到....我自己買材料返o黎親手整返一個送俾肥婆婆....
唯一辦法就係咁....總好過見到佢悶悶不樂咁o既樣...

花花王子..

katrina_alan — Fri, 28 Sep 2007 22:31:10 +0800

阿Bee呢幾日都曳曳...因為佢走去食花...仲要食滿天星果隻....
最令我傷心o既係....平時我一叫佢就會停...
但係呢幾日..我叫佢又好....打pat pat又好...佢都唔理我...
乜花真係咁好食咩....???你知唔知咁樣做係唔o岩o架???
屋企有咁多好o野食你唔食....竟然走去食花花....
你知唔知媽媽幾驚你會中毒呀????
見到你o係喥聞d紅玫瑰..媽媽好驚你俾d刺整親呀....
今日開o左罐罐....花花王子大人終於暫時忘記o左花花o既存在.....
希望今晚佢唔會再對住廚房門係咁哀號啦!~

長大了的小女孩...

katrina_alan — Fri, 28 Sep 2007 22:23:36 +0800

我仲好記得上年十二月尾抱肥婆婆返o黎屋企o既情景...
當時o既佢真係好細隻....用兩隻手去攬住佢...可以遮哂佢成個身...

到今日..就o黎一歲喇....唔經唔覺肥婆婆就大隻o左好多喇...
佢而家個身同阿bee差唔多長lu!~個樣仲越o黎越可愛...尤其係睬埋眼果陣...^_*

以前o既肥婆婆...好勝心好強...咩都要嬴...所以成日都搞到阿bee好嬲....
佢仲成日o係屋企發癲.....破壞力強....好奇心更加強....
而家o既肥婆婆...係一個好乖巧o既小女孩......
佢而家知道有d咩唔做得...知道唔可以霸o左阿bee訓o既位...
所以佢而家見阿bee唔同媽媽訓...佢先夠膽上床訓....
佢亦無再o係屋企搞搞震喇....只係悶果陣會叫我同佢玩....^_*

以前肥婆婆就算上床訓...都只會o係床邊或者床尾訓...
唔知係咪因為佢成日見到阿bee訓得咁舒服呢???
佢而家開始會訓o係我個身上面,或者「挨」住我o黎訓喇!~hehe!~

今日我望住肥婆婆...同佢講:
「以前你成日想偷走...而家知道呢喥先係最安全舒服,所以唔想走呢??」
我又成功咁令到一隻貓貓感到幸福同開心lu....
見到咁樣...我比佢更加開心...hehe!!~

肥婆婆你以後都要keep住咁乖呀!!!~其實媽媽都好錫你o架!!~
你以後要健健康康,繼續做一個嗲精小女孩...!~^_*

^_*

katrina_alan — Fri, 21 Sep 2007 00:09:23 +0800

最近因為掛住搞結婚o既o野而少o左留o係屋企...
每次出o左街都會o係喥諗阿bee同肥婆婆點...
個心好想快d返屋企...但係要搞正經o野...無辦法啦...

每次出街前我都會開一盞暗d既燈,因為阿bee唔鍾意屋企無人又黑蚊蚊o既感覺...
以前我住屯門果陣...試過出門口唔記得開燈俾佢...好順手咁關o左燈...
雖然只係出o左街一陣...點知返到屋企阿bee嬲o左我...
所以自此之後我都唔敢再關哂屋企o既燈出街...

講開阿bee呢...佢最近瘦o左呀....
其實我仲o係喥諗緊....佢係因為身體有事而瘦o左...
定係因為佢呢排無食濕糧同其他o野...淨係食乾糧有關呢???
因為果陣已經夜晚了...而我又太緊張o既關係....
我打o左去三間診所喥問....因為我想個心安定d...所以打多兩間...
好彩....三間診所根據我講o既o野之後都話覺得阿bee無問題...只係我太緊張...
佢o地問o左我好多問題...又問阿bee有無飲多o左水...有無訓多o左覺...
又問我阿bee胃口有無唔同到...有無脾氣差o左之類...
好彩佢o地問o既問題....阿bee都無...所以可以放心喇!~
最近真係好多o野趕住要搞...當然....阿bee係最緊要o既...
但係醫生話無睇醫生o既必要....所以我一搞完之後為o左安全起見會帶佢做body check!~
同埋因為結婚要用好多錢....我之前收收埋埋諗住留俾阿bee既錢都用哂lu...

而肥婆婆呢...佢由朝到晚總之一見到我得閒就會要我同佢玩「拋公仔」...
點樣玩???即係好似同狗狗咁玩....我拋個公仔出去...之後佢用口執返o黎俾我...
肥婆婆真係呢....d行為越o黎越似隻狗狗......哈哈...點解會咁o架....?????

雖然我多o左出街...但係我o係屋企果陣都用盡哂時間去陪佢o地...
而家上網除非真係有o野搞...如果唔係我都唔會開電腦....專心d陪佢地嘛!~

阿bee同肥婆婆而家少o左打交喇....以前一日打十幾次...
而家通常最多都係一日打兩次.....除非我出o左街果陣佢o地打交啦...
不過我每次出街返o黎呢..佢o地都係訓緊覺o架...
呀...唔係訓緊覺...即係呢...訓緊覺果陣發現我返o黎,之後即刻起身果隻...
因為佢o地每次迎接我果陣呢....對眼都未開哂.....所以一定係訓緊覺....

破壞王...

katrina_alan — Wed, 12 Sep 2007 07:22:47 +0800

恭喜肥婆婆公主獲得本年度「最勁破壞王」之獎項...
佢拎呢個獎...真係當之無愧...
詳細內容唔講咁多....我就快俾佢激死....

因為每次都唔係當場斷正...(因為佢o既動作真係太快....)
所以每次我都只好清理場地就算........
但係呢...脾氣臭o既爸爸見到佢咁樣...當然每次都唔會放過佢啦....
而家肥婆婆每日會被困兩個鐘.....
其實唔係困o既..只係佢以為自己俾人困住o左..所以一入籠就訓覺...哈哈!~
今日一返到屋企就發現有三粒便便.......激死.....

哼...唔好以為咁就激到我呀...我好有耐性o架...
阿bee大人都係俾我教到而家咁乖....我唔信我教唔乖你隻肥婆婆大人....

講起阿bee...其實佢真係好乖o架....
我叫佢過o黎佢就過o黎...我指住隻腳,佢就會用頭仔頂我隻腳...
我訓o左喥拍o下個肚...佢就會訓o係我個肚隔離....
只不過係因為搬屋+多o左肥婆婆o既關係...佢先脾氣臭o左...

玩便便...

katrina_alan — Sat, 08 Sep 2007 22:14:30 +0800

以前肥婆婆成日玩便便...
總之如果佢去完便便我唔即刻執走佢呢..佢就會係咁玩..玩到周圍到係..
初初俾佢同阿bee一齊相處,完全唔分開果陣..佢都仲有玩便便...
之後佢每日都會同阿bee打o下交、追o黎追去...而我又會同佢玩到癲...
唔知係咪因為每日都玩到累o既關係...佢無再玩便便喇....

點知...呢兩日佢又玩返便便......
原本我唔知o架....點知...我掃地果陣發現好多便便...
鞋櫃後面有一粒...電腦房門隙有一粒...雪櫃下面又有一粒.....
總之全部都係o係d隙位啦.....佢真係當d便便係波咁係咁踢o黎踢去...
真係激死我....

今日出完街返o黎聞到有臭味..於是係咁搵...
搵o左好耐...終於發現廚房果個「熨」門下面有粒便便....
慘喇....又要重新再教過佢....

最近肥婆婆越o黎越曳....佢成日無啦啦發癲..
成日抓阿bee條尾...又好似跨欄咁跳過阿bee個身...又騷擾阿bee去廁所...
好多好多...總之搞到阿bee成日都好緊張同好驚...
所以每次出街...我都好驚唔知阿bee有無忍便便、忍尿尿...
每次返到去第一時間就係睇o下阿bee有無去廁所....

我試過每次肥婆婆阻住阿bee去廁所果陣鬧肥婆..
但係肥婆婆當我唱歌...反而搞到阿bee以為我鬧佢....
我又試過每次阿bee一去廁所就坐o係沙盤附近..阻止肥婆婆走過o黎...
我又試過阿bee一去廁所我就抱住肥婆婆...或者困住佢...
但係肥婆婆每次一大叫...阿bee就好奇唔去廁所..走返出o黎睇o下咩事..

我發覺貓女鬥心好強...好奇心又強....咩都強過貓仔...
可能我真係慣o左阿bee由細到大都好乖好聽話...
每次見到肥婆婆成日撩交打呀..無啦啦發癲呀...反叛呀...我都會好無奈...
我亦發覺...阿bee開始會讓肥婆婆...
以前阿bee想食o野果陣...肥婆婆永遠要等佢食飽走開先食得...
但係而家呢...明明阿bee食緊...之後肥婆婆又伸個頭過去食呢...
阿bee會企埋一邊等肥婆婆食飽先...之後佢先繼續食...

開心...

katrina_alan — Fri, 07 Sep 2007 00:32:08 +0800

今日起身...發現阿Bee同肥婆婆都訓o係我身邊...好開心呀...
不過其實事實o既事相係...肥婆婆訓o係我隔離先...
點知阿bee又想上o黎訓...於是fee走肥婆婆....
之後肥婆婆等阿bee訓著o左之後...靜雞雞走埋去床尾喥訓..hehe!~

而家佢兩隻o野每晚都有打交...不過呢..平時相處ok呀...
有o野齊齊食...有覺齊齊訓...有玩具齊齊玩...有昆蟲齊齊捉...
只不過阿bee仍然唔鍾意肥婆婆痴住佢...
唔緊要...咁樣我已經好開心喇!!!~^_*

小強記...

katrina_alan — Mon, 03 Sep 2007 18:50:37 +0800

最近屋企去水位成日有「小強」同「吳弓」之類o既物體行o左入o黎...
我已經成日倒漂白水去去水位,等佢o地唔爬入o黎o架喇...但係都係無用....

前兩日有件事搞到我訓唔著....
事源我準備去沖涼.....當時已經脫哂所有衣服o架喇...
我慣o左洗兩次面之後,先至行入浴缸沖涼......
o係我洗面果陣,阿bee同肥婆婆跳o左o係浴缸個「博」位喥....
但係我望o黎望去都見唔到有任何生物....於是無理到啦....
之後行入浴缸開水沖涼.....之後塗沖涼液....
o係呢個時候我發現.....原來「小強先生」躲埋o左o係浴簾喥.....
之後好驚...唔知點算...唯有行到浴缸最入位置快d沖完涼快d走啦....
點知轉個頭唔見o左隻「小強先生」,而兩位大人亦都離開o左廁所...
果陣仲以為「小強先生」已經走o左啦....諗住可以安心咁慢慢啦...
就o係我伸手去拎浴巾果一刻....我發現「小強先生」o係我隔離..
原來佢係識飛o既小強...仲超大隻....佢爬到好高...大約o係我對眼旁邊位置...
好驚呀....好想嘔呀...咁近距離望到隻小強.....>_<
於是太驚.....我無抹身...浴巾都無拎就走鬼o左出龐.....
好自然咁關埋廚房門....因為驚佢走入屋....

過o左大約兩分鐘....心情平伏o左落o黎....決定睇o下入面咩情況...
原來阿bee同肥婆婆企o係浴缸喥...同小強先生玩緊....
好驚.....但係如果我再唔搞掂佢o既話...一陣肥婆婆又放小強入口...>_<
所以就開熱水....諗住可以熱死小強先生啦....(當時小強先生o係浴缸入面)...
好不容易將佢整o左去去水隔位置....點知呢...我唔記得整開個隔...
之後整開o左啦...諗住開好大o既水等佢沖落去...點知佢好勁.....
咁勁o既水...佢都仲可以o係個去水位喥抆住唔放....
但係我唔敢關水...因為佢走得好快..我未關好水佢就會跑到去我前面...
於是開住水喉開o左成7至8分鐘...小強先生終於有d累....
佢因為好大隻...所以唔會跌落去水渠喥....
趁呢個時候..我一隻手用水繼續射佢....另一隻手去執一隻唔要o既拖鞋...
因為經常有小強...所以我屋企四周圍都準備o左對付小強o既物品...
就係咁....我用拖鞋放o係浴缸去水位...將小強封住o左...
目的係...令佢走唔到出o黎...迫佢經去水位行返出去街外面....

之後成晚我都唔敢再去廁所...
到第二朝老公返o黎...佢拎開隻拖鞋...佢話小強走o左...
我以為佢咁勁推開o左隻拖鞋走入屋....老公話唔係..佢o係去水位喥走o左...
之後好安心啦.....點知大約一個鐘頭之後...發現小強o係浴缸旁邊....
原來小強先生的確走o左入去水位...但係呢...佢趁我o地拎開拖鞋果陣走返出o黎...
如果老公拎開拖鞋之後,再用水射o下去水位...我諗小強先生唔會再返o黎...哈哈...

呢個故事仲未完....果日夜晚我o係電腦房執衫果陣...發現肥婆婆唔知搞咩...
佢企o係窗口個「博」位喥....果陣覺得無乜o野..因為佢成日都係咁...
點知叫極佢都唔肯落o黎...不停抓放o係「博」喥o既抽濕果d....唔知叫咩...
即係人o地放o係衣櫃之類,一個膠盒入面有d珠珠,用o黎抽濕果d o野...
之後我睇o下睇o下...發現有兩條「蘇」o係喥fing o下fing o下....
oh...又有小強.......唔知點算...於是好大力咁不停打個抽濕盒...諗住打死佢..
點知我見佢仲郁o黎郁去..覺得有d奇怪....
於是出廳睇另一個抽濕盒....oh...原來底部唔係平o既..所以打唔到小強先生..
於是又拎起一隻唔要o既拖鞋...準備......
點知...肥婆婆用口「擔」起o左小強...之後放佢落地面....
咁o岩小強先生反o左肚...於是我放張廁紙o係佢身上...好大力咁拍o左幾o下...
之後再用紙皮箱「cup」住o左......

因為我唔敢執小強...再將佢沖落廁所...
我真係太驚小強....無論用o左幾多張廁紙隔住...個心都好似摸到佢...
所以最終唯有關埋房門....封鎖現場...等老公第二朝返o黎執....
每次老公發現地下有張廁紙...而廁紙上面有隻拖鞋...佢就知道有小強...哈哈...

兩隻肥o野...

katrina_alan — Mon, 03 Sep 2007 18:17:41 +0800

哈哈....諗o左好耐唔知個topic寫咩好...最後決定用「兩隻肥o野」....
睇到呢個topic...大概都知道點解啦...哈哈...

尋晚我決定幫阿Bee磅重....原因係我唔明白點解醫生從來都無話過阿bee肥...
其實阿bee骨架都幾大....佢d骨架大過肥婆婆好多...但係佢的確係好肥....
每次見佢清潔身體果陣我就會自動自覺幫o下佢...因為佢好似好辛苦..哈哈...
見佢lam背部d毛毛果陣...總係見佢條頸好似就快甩咁..唔似得肥婆婆咁輕鬆....
至於去完小便,大便之後...要清潔果陣...佢仲辛苦...
每次都見佢枱高o左佢o既「美腿」好耐...但係都仲未lam到...哈哈...
於是上網睇...發現唔同品種唔同骨架o既貓貓體重標準唔同...唔可以一概而論...
於是就抱阿bee去磅重啦...不過因為屋企地下唔係平o既..有少少斜..所以唔係咁準確...
我唯有mark低....阿bee係12至14磅啦....哈哈...超肥....
之後肥婆婆又八卦...於是又幫佢磅...但係俾佢fee我...哈哈....
磅完.....係大約6至8磅....
真係要買個電子磅返o黎先得....

話時話...肥婆婆就快一歲生日lu....無諗過會為佢做d咩慶祝生日...
因為佢最開心o既係玩....我決定同佢玩番夠本為止...哈哈..

胖貓..

katrina_alan — Fri, 31 Aug 2007 23:52:29 +0800

至於阿Bee...我仍然是狠下心腸...不再給貓糧以外的東西給牠吃了...
因為牠真的很胖很胖...牠胖得連清潔小便處的時間也很吃力呢....
而牠....因為這樣而常常發我脾氣呢....

Bee Bee...你知道嗎?媽媽這樣狠下心也只是為你好的...
媽媽不希望將來會成為你腎衰竭的兇手呢....
我是為了你好...不想你腎臟有毛病...所以才這樣做...
如果醫學証明了吃這些東西也沒有問題的話,難道媽媽會收藏起來獨個兒吃嗎?
你還記得嗎?在過往的數年...媽媽總是讓你吃先...待你吃飽後媽媽才吃的...
但那時的媽媽因為對貓病的知識完全不清楚...不知道那些東西對你很有害...
但現在媽媽知道了...所以不會再做些害了你的事...

你生媽媽的氣...不緊要...只要你能健健康康便行了....
你今天不明白媽媽的苦處...我希望能用盡方法讓你明白媽媽是為你好的...

你已五歲半了...雖然聽起來還很年輕...但你的行為卻像一個老公公一樣...
我真的很害怕你會離開媽媽....我希望你能陪伴我很久很久的....

你知道嗎?上星期媽媽與爸爸談話的時候....
媽媽說了一句....「就算我真的很想有孩子...我都會待阿Bee百年歸老時才要...
因為...我知道肥婆婆已對阿Bee帶來了很多不快....
若我將來真的要孩子的話...阿Bee的不快便會更多更多....」
這些說話是媽媽真心說話來的...你不已是媽媽的孩子了嗎??
有了你...媽媽已經很足夠了....
要一個孩子...需要全部的精神,時間和心機的...
我不想因為將來的孩子...而忽略了你...
更加不想因為要孩子...而導致你從此以後不能和媽媽睡...

這數天你也趁媽媽睡不著的時候,陪伴媽媽一起睡...
果然...每次你陪伴我後...我很快便睡著了...而且還一直睡了數小時呢...
乖孩子..不要再生媽媽的氣了....
每次你發脾氣...媽媽也再沒胃口吃下去了....

明天又是買貓罐頭的時候了....
雖然你不太喜歡吃....但總比只吃乾糧開心啊....
乖...不要再胖下去了...雖然媽媽喜歡胖胖的你..就像Garfield一樣...
不要再搶妹妹的食物了....

yeah...

katrina_alan — Fri, 31 Aug 2007 23:31:57 +0800

經過我每天悉心的「教導」後,肥婆婆終於知道不能往門外走了...
現在每次開門的時間,牠必定是第一個往屋內逃跑的...
很高興...終於不用再擔心肥婆婆會走到街外去了...^_*

上星期開始發現洗衣機旁經常也有很多水....
找來找去也不知道水從哪裡來...真的摸不著頭來...
那時因完全找不到原因...還以為是牆身穿了洞,下雨時滲了水呢....
今天終於發現...原來肥婆婆咬破了洗衣機的去水喉呢....OMG.....
後來經過一整天的「監視」後...原來...肥婆婆用去水喉來磨抓....
現在很明顯的穿了一個大洞呢....
幸好家裡有後備的去水喉...否則可能在下次洗衣時會弄致家裡水浸呢...